Стратеги судалгааны хүрээлэн Гадаадын иргэн, харьяатын газартай хамтран “Монгол Улс дахь гадаад иргэдийн нөхцөл байдал, тулгамдсан асуудал, шийдэл” сэдэвт эрдэм шинжилгээний хурлыг зохион байгууллаа. Эрдэм шинжилгээний хуралд Монгол Улсын Ерөнхийлөгчийн Тамгын газар, Хууль зүй, дотоод хэргийн яам, Гадаад харилцааны яам, Цахим хөгжил, инновац, харилцаа холбооны яам, Хил хамгаалах ерөнхий газар, Зорчигчийн мэдээллийн төв, Хөдөлмөр, халамж үйлчилгээний ерөнхий газар, Улсын бүртгэлийн ерөнхий газрын төлөөлөл оролцов.
