Стратеги судалгааны хүрээлэнгийн зөвлөх, доктор, Онц бөгөөд Бүрэн Эрхт Элчин сайд Р.Болд тус хүрээлэнгийн судлаачидтай энэ сарын 15-ны өдөр уулзаж, чөлөөт ярилцлага хийлээ.
![](https://iss.gov.mn/wp-content/uploads/2024/01/bold-1-1024x592.png)
Тэрээр тус хүрээлэнг анх үүсгэн байгуулж байсан түүхийн талаар дурдаж, Монгол Улсын гадаад аюулгүй байдлын орчин, хэтийн төлөвийн талаарх өөрийн санаа бодлоо судлаачидтай хуваалцлаа. Улмаар үндэсний аюулгүй байдлыг улс төр-дипломатын аргаар хангахад судалгааны байгууллагын болон судлаачдын оролцоо, хамтын ажиллагаа чухал үүрэгтэйг сануулж, энэ чиглэлд олсон амжилтаа бататган, идэвх санаачилгатай, мэдээлэл сайтай байх нь чухлыг онцлов.