Стратегийн судалгааны хүрээлэнгээс уламжлал болгон зохион байгуулдаг “Атташегийн цаг” уулзалт 2023 оны 11 дүгээр сарын 8-ны өдөр болж, Япон Улсаас Монгол Улсад суугаа Элчин сайдын яамны Батлан хамгаалахын атташе дэд хурандаа Иохей Ирики зочноор уригдан оролцлоо. Дэд хурандаа Иохей Ирики Япон Улсын шинээр гарсан Батлан хамгаалахын цагаан номын талаар болон тус улсын батлан хамгаалах бодлого, бүс нутгийн аюулгүй байдлын орчны үнэлгээ, Зэвсэгт хүчний шинэчлэлийн талаар танилцуулж, улмаар судлаачдын сонирхсон асуултад хариулж, илэн далангүй ярилцлаа. Уг уулзалт ярилцлага ССХ-ийн хурлын танхимд болж өндөрлөв.
