Үндэсний аюулгүй байдлын зөвлөлийн Стратеги судалгааны хүрээлэн, Батлан хамгаалах яамны харьяа Монгол цэргийн музейтэй хамтран “Зөвлөлтийн цэрэг Монголд” сэдэвт эрдэм шинжилгээний хэлэлцүүлгийг 2026 оны 01 дүгээр сарын 30-ны өдөр Монгол цэргийн музейн “Хурандаа” танхимд зохион байгууллаа.
Хэлэлцүүлэгт Батлан хамгаалахын эрдэм шинжилгээний хүрээлэн, Батлан хамгаалахын төв архив, Монгол цэргийн музейн төлөөлөл оролцож санал бодлоо солилцлоо. Энэ удаагийн хэлэлцүүлэгт Стратеги судалгааны хүрээлэнгийн шинжээч доктор (Ph.D), Т.Сүхбаатар “Зөвлөлтийн цэрэг Монголд 1921-1992 он”, Тагнуулын ерөнхий газрын Тусгай архивын орлогч дарга доктор (Ph.D), Б.Эрдэнэбилэг “Тусгай архив дахь Оросын улаан армид холбогдох баримтын судалгаа” сэдвээр тус тус илтгэл хэлэлцүүллээ.
