ОХУ-ын Ерөнхийлөгчийн дэргэдэх Оросын стратегийн судалгааны хүрээлэнгийн захирал М.Е.Фрадков ҮАБЗ-ийн Стратеги судалгааны хүрээлэнгийн захирал Б.Даваадоржийг энэ сарын 6-ны өдөр Москва хотноо хүлээн авч уулзлаа. Энэ үеэр хоёр хүрээлэнгийн цаашдын хамтын ажиллагааны талаар ярилцаж, олон улсын болон бүс нутгийн аюулгүй байдлын асуудлаар санал солилцов.
Тус уулзалтад монголын талаас ҮАБЗ-ийн шинжээч, доктор Д.Мягмар, оросын талаас Оросын Стратегийн судалгааны хүрээлэнгийн ахлах зөвлөх К.А.Кокарёв нар байлцав.
