Үндэсний аюулгүй байдлын зөвлөлийн Стратеги судалгааны хүрээлэн, Гадаад харилцааны яам хамтран Монгол Улсын гадаад бодлого, аюулгүй байдлын асуудлаарх “Зөвшилцөл-2024” хурлыг 2024 оны 12 дугаар сарын 19-ний өдөр зохион байгууллаа. Хуралд Үндэсний аюулгүй байдлын зөвлөлийн Нарийн бичгийн дарга А.Бямбажаргал, Гадаад харилцааны сайд Б.Батцэцэг, Монгол Улсын Ерөнхийлөгчийн гадаад бодлогын зөвлөх Э.Одбаяр нарын хүндэт зочдоос гадна бодлого боловсруулагчид болон судлаачид оролцож Монгол Улсын гадаад бодлого, аюулгүй байдлын талаар хэлэлцсэн юм.
