МУИС-ийн Түүхийн тэнхимийн багш, дэд профессор О.Оюунжаргал 2024 оны 10 дугаар сарын 30-ны өдөр Үндэсний аюулгүй байдлын зөвлөлийн Стратеги судалгааны хүрээлэнгийн албан хаагчдад зориулан “Манжийн төрийн бодлого ба Монголчууд” сэдвээр сургалт зохион байгууллаа. Уг сургалтаар тэрээр Манжийн төрийн бодлогын түүхэн суурь, Монголын нийгэм, улс төр, соёлын амьдралд үзүүлсэн нөлөөллийг онцлон авч үзэж, судалгааны баримт нотолгоонд тулгуурлан бодлого хэрхэн хэрэгжиж, түүний үр дүнгийн талаар нарийвчилсан мэдээлэл өглөө. Сургалтад оролцсон албан хаагчид Монголын түүхийн энэ үеийн нарийн мэдээлэлтэй танилцаж, уг сэдвээр санал солилцсон юм.
